Shet Rasta Niyam: शेतकरी हा देशाचा कणा आहे. पण अनेकदा शेतकऱ्यांना त्यांच्या स्वतःच्या शेतात जाण्यासाठी रस्ता मिळत नाही. कधी शेजारच्या शेतकऱ्यांशी वाद होतो, तर कधी जमीनमालक अडथळा निर्माण करतात. त्यामुळे शेती करणे अवघड होते, आणि आर्थिक नुकसानही होते. पण काळजी करू नका! महाराष्ट्र सरकारने शेतकऱ्यांसाठी कायदेशीर तरतुदी केल्या आहेत, ज्या वापरून तुम्ही शेत रस्ता मिळवू शकता.
समस्या:
अनेकदा छोट्या-मोठ्या वादांमुळे शेतकऱ्यांना शेतात जाण्यासाठी रस्ता मिळत नाही. यामुळे शेतीची पिके वाया जातात आणि त्यांचे आर्थिक नुकसान होते.
शेतरस्ता हा मूलभूत हक्क:
शेतीसाठी रस्ता हा शेतकऱ्याचा मूलभूत हक्क आहे. हा रस्ता मिळाला नाही तर शेतीची पिके बाजारपेठेत पोहोचवण्यात अडचणी येतात, त्यामुळे शेतकऱ्यांचे आर्थिक नुकसान होते.
कायदेशीर तरतूद: Shet Rasta Niyam
महाराष्ट्रात शेतकऱ्यांना शेतरस्ता मिळवण्यासाठी कायदेशीर तरतुद आहे. महाराष्ट्र जमीन महसूल अधिनियम 1966 च्या कलम 143 अन्वये, शेतकरी तहसीलदारांकडे शेतरस्ता मिळवण्यासाठी अर्ज करू शकतात.
📑 अर्जासोबत लागणारी कागदपत्रे:
- जमीन सातबारा उतारा: आपल्या शेतीची मालकी दाखवणारा सातबारा उतारा.
- शेजारच्या शेतकऱ्यांची माहिती: शेजारच्या शेतकऱ्यांची नावे, पत्ते आणि त्यांच्या जमिनीची माहिती.
- जमीन नकाशा: आपल्या शेतीचा नकाशा.
- वादाची कागदपत्रे: जर आपल्या जमिनीवर कोणताही वाद असल्यास त्याची कायदेशीर प्रत.
📝 अर्ज कसा करावा?
शेतरस्ता मिळवण्यासाठी शेतकऱ्यांनी तहसील कार्यालयात जाऊन एक लेखी अर्ज द्यावा. या अर्जात आपल्या शेतीची माहिती, शेजारच्या शेतकऱ्यांची नावे आणि शेतरस्ता का आवश्यक आहे हे स्पष्टपणे सांगावे.
शेत रस्ता मागणी अर्ज डाउनलोड करा.
🤵🏻 तहसीलदारांची भूमिका:
शेतकऱ्याचा अर्ज मिळाल्यानंतर तहसीलदार संबंधित जमीन आणि परिसर पाहणी करतात. तसेच शेजारच्या शेतकऱ्यांचे म्हणणेही ऐकतात. या सर्व गोष्टींचा विचार करून तहसीलदार शेतरस्ता देण्याबाबत निर्णय घेतात.
👨🏻⚖️ कायदेशीर लढा कसा जिंकावा?
जर शेतकऱ्यांना शेतरस्ता मिळवण्यासाठी कायदेशीर लढा द्यावा लागला, तर त्यांनी एकत्र येऊन लढा द्यावा. आपल्या हक्कासाठी लढण्यासाठी वकिलांची मदत घेऊ शकतात. शेतरस्ता हा शेतकऱ्यांचा मूलभूत हक्क आहे. जर आपल्याला शेतरस्ता मिळत नसेल, तर कायदेशीर मार्गाने लढा देऊ शकतो. सर्व शेतकरी बांधवांनी एकत्र येऊन आपल्या हक्कासाठी लढा द्यावा.
🙏🏻 कृपया ही माहिती इतरांना देखील शेअर करा.
9 thoughts on “Shet Rasta Niyam: शेतकऱ्यांनो, कोणाचा बाप तुमचा रस्ता अडवू शकणार नाही! ‘या’ कायद्यानुसार मिळवा शेतरस्ता, जाणून घ्या प्रक्रिया”